1. Telat!
Ini sih udeh kagak usah dijelasin lebih panjang lagi, ye! Emang udeh kebiasaan kite buat telat dalam hal apapun. Yang pelajar, telat dateng ke sekolah. Yang mahasiswa, telat kasi tugas ke dosen. Yang pacaran, cowonya suka telat. Dan laen sebagainye.
Pernah suatu hari, gue janjian sama gebetan. Dia sih bilangnye cinte mati sama gue. Cuman tetep aje kalo cinte mati, kenape kalo janjian telat? Sampe 1 jam lagi! Yang ada gue ilfil parah! Males deh pacarin cowo yang suka telat!
2. Gak disiplin!
Banyak bener deh orang Indonesia yang gak taat peraturan alias gak disiplin!
Contoh : Trotoar yang dijadikan usaha penjual kaki lima, nyebrang jalan gak pake jembatan/zebra cross, corat coret di segala tempat, bis dan angkot yang suka ngetem & bikin macet jalanan, pegawai negeri yang pulang saat masih jam kantor, ngerokok di tempat umum, maenin handphone buat buka Facebook dan Twitter atau BBMan/SMSan ketika jam pelajaran, beuh banyak benerrrrrr!
3. Tukang nyontek dan plagiat!
Sape sih orang Indonesia yang gak pernah nyontek? Kayaknye kagak ada, ye! Hehehe. Mulai dari pelajar hingga para entertainer, banyak tuh yang suka nyontek (huh, gak kreatip!).
cape deeeeh !
4. Serba Sembarangan!
Ngomong ... sembarangan
Kencing... sembarangan
Buang ingus... sembaranganCape deh!
5. Kebanyakan Ngomong dan Basa-Basi !
Ngomong dan basa basi sih, gak masalah, ye! Cuman, seringkali orang Indonesia gak tau waktu dan tempat buat ngomong. Contohnye, yang pacaran biasanye telponan di tengah malem sampe gak tau deh tuh berape jam telponannye. Lalu kalo ketemu sama orang dan kagak basa-basi, eh disangka sombong. Padahal bisa aje kite kagak basa-basi sama orang laen pas di jalan karena kite emang kaga ngeliat dan ngedenger dia! Cape deh!
banyak ngomong!
Trus kadang nemu juga orang yang telponan di dalem bis sambil curcol gitu (mane cowo pula, najong deh! ngomongnye kayak lagi khutbah Jum'at aje!). Dan ada juga orang yang telponan sambil mengendarai motor dan akhirnya.... ketabrak mobil/kereta deh tuh (yak, ini terjadi sama almarhum temen gue -___-)
6. Males Ngantri!
gencet-gencetan dah tuh!
Ah, udeh jadi kebiasaan deh kalo ada pembagian zakat, daging qurban, atau sembako, pasti orang-orang yang kepengen dapetin ntu kagak mau ngantri! Semuanye berdesakanlah, dorong-doronganlah, dll.
Kalo naek busway juga gitu tuh! Yang cowo malah terkadang suka kesempetan kayanye, lagi pepet-pepetan di antrian, eh grepe-grepe cewe. HIIIIHHH
7. Lebih suka maen pake otot, bukan pake otak!
dari yang pejabat ampe pelajar, sama-sama pake otot!
Hahaha! Tiap taon pasti kan ye nongton berita yang berisi tentang perkelahian antar kampung lah, perkelahian antar pelajar lah, perkelahian artis A dan B, bahkan sampe pejabat negara di Senayan juga adu otot! Hahaha! Wakil rakyat kok malah kagak bisa dicontoh? Cape deh!
8. KORUPSI!
Indonesia adalah negara terkorup ke-6 di dunia dan ke-4 di Asia. Keren? Tentu aje kagak!
Korupsi kayaknye udeh jadi kebiasaan deh dimari, tanpa mengenal batasan tertentu. Yang wakil rakyat, korupsiin duit negara buat memperkaya dirinye sendiri. Yang rakyat jelata, korupsiin duit arisan, sembako warga satu RT, dll.
Korupsi pun gak cuman diliat dari duit, namun juga diliat dari waktu. Misalnye, dosen dateng telat, eh udeh gitu ngajarnye cuman sebentar! Rugi tuh yang ada mahasiswanye!
9. Konsumtif
Menurut Suara Merdeka , Indonesia merupakan negara terkonsumtif kedua di dunia, setelah Singapur. Wow!
Ada gadget baru, beliiii (walopun ngutang). Ada ini itu, serba dibeli! Trus ye, kebanyakan orang sini tuh ape-ape bangga pake produk luar negeri, padahal mah pake kartu kredit aje belinye!
belanjalah sesuai kebutuhanmu
Pemicu orang-orang kite jadi konsumtif, diantaranye : banyak mall (di Batam aja mall nya ada puluhan bo!), banyak produk KW-an yang menggiurkan, media massa yang selalu menampilkan artis dengan barang-barang branded (ya secara ye kan artis suka dijadiin role model sama kite), online shop yang selalu bikin kite ngiler, anggapan kalo gak pake produk X maka gak GAUL, dsb.
0 komentar:
Posting Komentar